Maradona, president klubi


Maradona, president klubi

16:20 16/05/2018

Diego Armando Maradona ka hedhur hapin më të madh në karrierën e tij si drejtues i një klubi futbolli. Pas 7 vitesh në Dubai si trajner, legjenda argjentinase ka firmosur një kontratë 3-vjeçare për të qenë kryetar i bordit të klubit bjellorus, Dinamo Brest që militon në Premierligen ë këtij vendi.

Veç kësaj Maradona do të jetë edhe menaxher, do të ketë rolin kryeson në vendimmarrje sa i përket strategjisë zhvillimore që nga ekipi i parë deri tek akademia e fëmijëve, madje raportohet se do të ketë edhe një përqindje në aksione.

Duke shfaqur kontratën që firmosi, Maradona shprehu me pak fjalë edhe kënaqësinë për këtë marrëveshje.

 

Detyrën e re, Maradona do ta marrë pas përfundimit të Kupës së Botës. 57-vjeçari largohet kështu nga Emiratet e Bashkuara Arabe, ku drejtonte si trajner skuadrën e Ai Fujairah të cilën nuk mundi ta ngjiste në kategorinë e parë.

Tv Klan

Maradona





Të ngjashme