5 mikrotërmete godasin vendin gjatë natës
Pesë tërmete kanë rënë gjatë orëve të para të mëngjesit të sotëm në Jug të vendit. Sipas Institutit të Gjeoshkencave, lëkundjet sizmike kanë qenë të vogla dhe konsiderohen mikrotërmete. Mikrotërmeti i parë ka rënë në Vermik të Vlorës në orën 00:07.
Ai ka qenë me magnitudë 1.7, ndërsa orët në vijim janë shënuar edhe tërmete të tjerë në rajonin e Vlorës, që varionin 1.4, 2.2 dhe 2.8 ballë. Lëkundjet e fundit kanë qenë me magnitudë 2.6 dhe ranë në fshatin Zhulat të Gjirokastrës në orën 03:15.
Ditën e djeshme rreth orës 20:14, një tërmet me magnitudë 4.8 tronditi zonat Jugore të vendit. Epiqendra ishte në Orikum të Vlorës, ndërsa lëkundjet u ndjenë edhe në Gjirokastër, Tepelenë dhe Memaliaj.
/tvklan.al