Hetimi për financimin e lobimit të PD/ Prokuroria nis letërporosi në Skoci
Prokuroria e Tiranës ka dërguar një letërporosi drejt Skocisë për llogari të hetimit të nisur pas dyshimeve të ngritura për mënyrën e financimit të kontratave lobuese të Partisë Demokratike në Washington.
Përmes kësaj letërporosie pala shqiptare do të kërkojë informacion për kompaninë “Biniata Trade”, kompani e regjistruar “Off shore”, por me aktivitet në këtë vend.
Në kërkesën e drejtuar autoriteteve skoceze Prokuroria kërkon të marrë dijeni në lidhje me aksionerët, apo aktivitetin e kësaj kompanie. Kjo letërporosi është e dytë në radhë gjatë këtij hetimi. Më herët Prokuroria i kërkoi informacion në rrugë zyrtare SHBA-ve në lidhje me lobuesin Nick Muzi. /abcnews.al