“Kur dashuria të vret”, Inxhinieri nga Kukësi nuk e pranoi dot ndarjen
Një ditë pasi vendi u trondit nga lajmi i rëndë ku djali vrau dy prindërit në lagjen “Llixha” të Peshkopisë, një tjetër krim makabër shokoi mbarë opinionin publik. Një dashuri e humbur nuk është suportuar dot nga Xhafer Mata, i cili mëngjesin e së premtes vrau ish- të dashurën e tij vetëm 19 vjeçe në zonën e Don Boskos, në rrugën "Eshref Frasheri" dhe më pas qëlloi mbi veten. Edhe pse u transportua menjëherë në spital ai ndërroi jetë.
Xhuljeta Çuni nuk do të mund të të veshë dot fustanin e saj të nusërisë, pasi ëndrrat e saj u prenë në mes nga ish i dashuri. Por çfarë shkruante Xhafer Mata në rrjetin e tij social Facebook.“Luftova, humba shpirtin pas saj. Shita shpirtin pas asaj dashurie, kalova çdo nate duke ndërtuar ëndrra, edhe iluzione. Kalova netë pa gjumë, duke e menduar! Duke menduar që në altar të ishte ajo me fustan të bardhë edhe unë të jem dhëndri. Ëndërrova me atë. Por edhe pse e desha më shume së veten, kjo gjë nuk mjaftoi”.
Kjo është një nga shumë statuset e dashurisë që 31-vjeçari ka të postuar në rrjetin social. Mesa duket marrëdhënia e tij kishte marrë fund prej disa kohësh dhe çifti nuk ishte më bashkë.
[caption id="attachment_391969" align="aligncenter" width="367"]
Foto: Xhuljeta Çuni[/caption]
Por Xhafer Mata nuk ishte një emër i panjohur për policinë e Tiranës. Ish e dashura e tij ka bërë katër herë denoncim në polici pasi e ngacmonte dhe është shoqëruar në komisariat. Por me premtimin se nuk do e ngacmonte më është lënë i lirë. Mesa duket këto kanë qenë vetëm fjalë, pasi ai qëlloi dy herë mbi vajzën dhe një herë mbi veten.
Xhafer Mata është baba i një fëmije të mitur dhe i divorcuar nga bashkëshortja. /tvklan.al