Goleadë e Rusisë në nisje
Rusia e nisi me goleadë Botërorin. 5 golat e shënuar ndaj Arabisë Saudite në mitikun “Luzhniki” bënë që miliona rusë të shpërthenin në festë në stadium dhe në sheshe. Nisje e jashtëzakonshme dhe pamenduar me kaq shumë gola, duke largaur edhe frikën e startit me rezultat negativ për rusët që në tribunë kishin presidentin Vladimir Putin.
Një sfidë mes ekipeve që renditen në vendin e 70 dhe të 67 në renditjen e FIFA-s po ku shkëlqeu vetëm ai vendas. Aleksandr Golovin ishte më i miri në fushë. 22-vjeçari dha dy asiste dhe realizoi golin e fundit me goditje dënimi.
Përfaqësueses arabe iu la vetëm qarkullimi i topit. Një hap i rëndësishëm për Rusinë që synon të paktën të kalojë grupin ku janë edhe Uruguaji dhe Egjipti.
Tv Klan