Gjermani, 3 të vdekur nga shpërthimi në një shtëpi
Tre persona kanë humbur jetën mëngjesin e së enjtes pas një shpërthimi të fuqishëm në një shtëpi në qytetin e Bremenit.
Agjencitë gjermane të lajmeve raportojnë se shpërthimi, shkaqet e të cilit nuk janë përcaktuar ende, ndodhi në papafingon e një vile në qytetin e Gjermanisë veriore. Forcat e shpëtimit mbërritën menjëherë në vendin e ngjarjes, ku gjetën trupin e një gruaje 41-vjeçare dhe të të birit 7-vjeçar. Si pasojë e shpërthimit po ashtu humbi jetën edhe një 70-vjeçare që jetonte në banesën pranë. Hetuesit po punojnë për zbardhjen e plotë të shkaqeve të shpërthimit që shkatërroi tërësisht shtëpinë.
/tvklan.al