Prezantohet Luis Enrique
Luis Enrique u prezantua si trajneri i ri i Spanjës nga Presidenti i Federatës në një konferencë të gjatë për shtyp. Ish trajneri i Barcelonës ka vënë menjëherë piketat e punë së tij. Një pjesë e futbollistëve janë në moshë të madhe dhe në kombëtare duhet freski.
“Nuk do të ketë revolucion, por një evolucion. Do të ketë njerëz, të cilëve do t’u japim besim. Do të evolojë edhe stili i lojës pa prekur atë, e kam bërë tashmë në një klub të madh si Barcelona. Ka shumë aspekte për t’u përmirësuar taktikisht. Më pëlqen të kem afërsi me lojtarët, për të arritur një konsensus të gjerë në kombëtare. Do të doja të bija dakord për ato gjëra që mund të bihet dakord. Qëllimi që kemi si staf është për t’i bërë gjërat më të lehta për lojtarët.”
I etiketuar më parë si anti-Real Madrid, Luis Enrique që ka luajtur dhe ka drejtuar Barcelonën, tha se është trajneri i të gjithë lojtarëve të Spanjës dhe se është në këtë detyrë për të marrë rezultate.
Tv Klan