Allegri ul euforinë për Ronaldon
Mori në ekip një prej 2 lojtarëve më të mirë në botë, por Massimiliano Allegri u kërkon të gjithëve të qëndrojnë me këmbë në tokë. Tekniku e uli euforinë e tifozërisë dhe jo vetëm për ardhjen e Ronaldos tek Juventus.
“Këtë vit do të jetë më e vështirë sepse skuadrat do të na luftojnë më shumë sepse Juventus vjen nga 7 tituj të fituar veç trofeve të tjerë dhe vjen një lojtar si Ronaldo dhe të gjithë do të kërkojnë të na mundin. Përgjegjësia do të jetë më e madhe, por gjithçka do të varet nga normaliteti me të cilin do të përballojmë sezonin. Ndryshe rrezikojmë të lëndohemi më shumë se vitet e tjera sepse të gjithë do të presin që Juventus të fitojë lehtësisht.”
Më 8 gusht Juventusi do të nisë përgatitjet për debutimin në kampionat.
Tv Klan