Video: “Orteku i baltës” mbulon fshatin
Këto pamje që duken si skenar apokalipsi janë xhiruar në një fshat malor në jug të Zvicrës. Një ortek masiv llumi e balte vërshoi furishëm në një zonë të banuar rrëzë malit, në provincën Chamoson.
Balta mbuloi disa shtëpi e automjete, por fatmirësisht pa lënduar askënd. Banorët e fshatit dolën për të xhiruar këto pamje të rralla spektakolare.
Edhe zonat malore të Zvicrës janë prekur nga vapa e pazakontë që ka përfshirë gjithë Europën. Vala e të nxehtit afrikan ka ndikuar në shkrirjen e shpejtë të akujve në majat e maleve, duke u bërë shkak për të tilla vërshime të pazakonta.
Tv Klan