Video: Vritet me thikë një 14-vjeçar
Një fëmijë vetëm 14 vjeç, ka gjetur vdekjen mbrëmjen e kësaj të mërkure në Fushë Mamurras të Kurbinit. Burime zyrtare thonë se i mituri A.Sala u godit me thikë në zemër nga një 15-vjeçar me iniciale A.Xh.
Paraprakisht dyshohet se shkak është bërë një grindje mes tyre, për shkaqe ende të panjohura. Autori i kësaj ngjarjeje të rëndë është shoqëruar në komisariat, ndërsa grupi hetimor po punon për zbardhjen e rrethanave të këtij krimi.
Në një njoftim të sajin, Policia e Lezhës thotë:"Sot, rreth orës 20:34, është marrë njoftim se në Fushë Mamurras në Kurbin, shtetasi A.Xh. 15 vjeç, banues në Fushë Mamurras, ka goditur me mjet prerës ( dyshohet thikë) shtetasin e mitur A.S. 14 vjeç, banues në Fushë Mamurras, i cili ka ndërruar jetë si pasojë e plagëve të marra.
Nga veprimet hetimore dyshohet si pasojë e një konflikti të çastit. Autori i dyshuar është kapur dhe shoqëruar në Komisariat, për veprimet e mëtejshme hetimore proçedurale, për veprën penale të kryer. Grupi hetimor nën drejtimin e Prokurorisë së Rrethit Gjyqësor Kurbin, ndodhen në vendngjarje për sqarimin e plotë të rrethanave të ngjarjes."
/tvklan.al