Shkon për vizitë tek të afërmit, e përplas për vdekje kamioni
Një këmbësor ka gjetur vdekjen këtë të martë në Tiranë, pasi u përplas nga një kamion. Ngjarja e rëndë ndodhi rreth orës 14:16, në rrugën dytësore në Yrshek.
Viktima është 65-vjeçari A. Fuçia, i cili sipas burimeve për
tvklan.al
nuk jetonte në këtë zonë, por kishte shkuar për vizitë tek të afërmit e tij.
Ndërsa në timonin e kamionit ishte një person me iniciale A. Sh., i cili u ndalua nga autoritetet. Në vendin e ngjarjes ndodhet policia, e cila po punon për zbardhjen e rrethanave të këtij aksidenti të rëndë.
/tvklan.al