Kapshticë, bllokohet kalimi i autobusëve dhe kamionëve drejt Greqisë
Policia Kufitare ka njoftuar të dielën se pala greke nuk do të lejojë kalimin dhe qarkullimin e autobusëve dhe kamionëve nga Shqipëria drejt Greqisë, nëpërmjet pikës së kalimit kufitar të Kapshticës.
Vendimi është marrë për shkak të motit të keq si dhe bllokimit të një aksi rrugor në territorin Grek. Sipas policisë, “do lejohet kalimi i autoveturave, por vetëm me zinxhirë.”
Policia Kufitare apelon të gjithë drejtuesit e mjeteve që kanë planifikuar lëvizjen për në shtetin grek nëpërmjet pikës kufitare Kapshticë, ta anulojnë ose të përdorin pikat e tjera të kalimit kufitar me Greqinë, deri në normalizimin e situatës për shkak të motit të keq./tvklan.al