Makina në shitje bie pre e plumbave
Për arsye të panjohura dhe nga persona të pa identifikuar, një automjet është qëlluar me armë zjarri gjatë orëve të natës në Fier.
Burime zyrtare të policisë thonë se makina Benz është në pronësi të një personi me iniciale A.B, banues në Zhupan, i cili prej 1 muaji e ka nxjerrë mjetin në shitje. Makina ndodhej e parkuar në anë të rrugës Fier-Levan.
Mbeten të paqarta arsyet e këtij sulmi, megjithatë për rastin është ngritur një grup hetimor, që po punon për zbardhjen e plotë të rrethanave, identifikimin dhe kapjen e autorit.
/tvklan.al