Dekretohet Ushtria e Kosovës
Hynë për të parën herë në zyrën e presidentit me statusin e ushtarakut. Është dita historike kur Ushtria e Kosovës nis funksionimin e saj, pasi Hashim Thaçi nënshkroi dekretin e ligjit për shndërrimin në ushtri të mirëfilltë të Forcës së Sigurisë së Kosovës.
Një falenderim të veçantë pati për aleatët ndërkombëtare që mbështetën këtë projekt.
Hashim Thaçi, President i Kosovës:
Dua të falënderoj mbështetësit ndërkombëtarë, ShBA-në dhe shtetet tjera aleate, në këtë ditë të rëndësishme të zyrtarizmit të Ushtrisë së Kosovës.
Kuvendi i Kosovës miratoi në një seancë të veçantë më 14 dhjetor, ligjet për formimin e ushtrisë dhe krijimin e ministrisë së mbrojtjes.
Ushtria përbëhet nga 8 mijë trupa, ndër të cilët 3 mijë janë në rezervë. Buxheti për ushtrinë është 51 milionë Euro dhe parashikohet të shtohet çdo vit me nga 5 milionë.
Edhe pse Beogradi e sheh si kërcënim, krerët e shtetit kosovar kanë garantuar se qëllimi i vetëm i ushtrisë është garantimi i paqes dhe ndihma në misionet e emergjencave civile.
Tv Klan