Arsimtarët ngrihen në protestë, mësyjnë në Parlamentin grek (video)
Mësuesit dhe profesorët në Greqi janë ngritur në revoltë dhe kanë shkuar para Parlamentit në Athinë për të protestuar kundër sistemit të ri për emërimet në sistemin arsimor.
Ata mësynë në ambientet e jashtme të Parlamentit, ndërsa forca të shumta policie u angazhuan për mbarëvajtjen e rendit dhe sigurisë.
Profesorët dhe mësuesit akuzojnë qeverinë për këtë sistem të ri të emërimit në detyrë dhe thonë se promovohet Ministria e Arsimit, ndërsa atyre nuk u njihen meritat në punë.
Ky sistem i ri, thonë protestuesit, i detyron ata të bëjnë shpenzime shtesë për të pasur kualifikimet e duhura. Profesorët dhe mësuesit do të kërkojnë takim me Kryeministrin Tsipras për të parashtruar shqetësimet e tyre.
/tvklan.al