Juve fiton me rezervat
Juventus fitoi me rezervat ndeshjen e radhës në kampionat, duke lënë pushim disa lojtarë të rëndësishëm mes tyre dhe Cristiano Ronaldo. Rolin e shënuesit e mori i riu Kean, i cili nuk zhgënjen sa herë zbret në fushën e lojës. 19-vjeçari realizoi 2 gola në fitoren 4 me 1 të zonjës së vjetër ndaj Udinezes. Ai fitoi edhe penalltinë e kthyer në gol nga Emre Can.
Moise Kean, futbollist i Juventus: Jam gjithmonë gati kur më jep mundësinë trajneri dhe përgatitem shumë për këtë dhe përpiqem të tregoj sa vlej. Por unë kam shumë për të mësuar.
Një sukses ky që e çon Juventus 19 pikë i shkëputur nga Napoli që të dielën do të luajë sfidë e javës së 27 me Sassuolo. Vëmendja tani është në ndeshjen e kthimit të Champions me Atletico Madrid të martën në Torino.
Tv Klan