Rizoto “Mari e Monti” (Video)

• Shpërndaje

Përbërësit:

250 gr oriz carnaroli

150 gr kërpudha champignon

150 gr karkaleca

30 gr majdanoz

20 gr borzilok

20 gr trumzë

3 thelpinj hudhër

2 domate

1 gotë verë

1 qepë

1 karotë

1 selino

Pançetë

Djathë i grirë

Pana

Mascarpone

Kripë

Piper

Përgatitja:

Vendosim një tenxhere me ujë që të ngrohet, shtojmë në të lëkurat e kërpudhave, selino, karotë, qepë dhe i lemë të ziejnë që të përgatitet bulioni. Në një tigan shtojmë vaj ulliri, trumzë, majdanoz, borzilok, qepë dhe kërpudhat e grira imët. Pasi skuqen pak shtojmë orizin dhe vazhdojmë i skuqim bashkë. E shuajmë me verë, më pas shtojmë bulionin dhe e lemë të ziejë. Në një tjetër tigan skuqim pançetën dhe e shtojmë tek tigani i rizotos. Pasi e heqim nga soba shtojmë në tigan pak gjalp dhe djathë të grirë dhe i përziejmë që të lidhen. Më pas i shërbejmë me disa feta domate të freskëta.