Patëllxhanë të mbushur (Video)

• Shpërndaje

Përbërësit:

400 gr salcë domate

300 gr oriz

150 djathë i grirë

120 gr djathë i tymosur mozzarella

50 gr verë

30 gr vaj ulliri

30 gr borzilok

4 patëllxhanë

1 domate

1 qepë

Rigon

Kripë

Piper

Përgatitja:

Vendosim një tenxhere me ujë që të ngrohet, shtojmë në të lëkurat e qepës dhe borzilok.

Në një tigan me pak vaj ulliri skuqim qepë të grirë imët dhe shtojmë orizin. Pasi të skuqen bashkë për pak minuta i shuajmë me verë. Pasi të avullojë alkooli shtojmë pak nga pak bulioni dhe domate të grirë imët.

Presim përgjysmë patëllxhanët dhe i heqim pjesën e brendshme. Më pas i vendosim në një tavë, i marinojmë me kripë, piper, vaj ulliri dhe i vendosim në furrë për pak minuta sa të zbuten. Në një tenxhere skuqim pak qepë, pjesën e brendshme të patëllxhanëve, shtojmë në të salcë dhe ujë. Pasi të ziej e bëjmë krem me mikser. Heqim nga soba orizin dhe shtojmë në të djathin e grirë. Me masën e përgatitur mbushim patëllxhanët, mbi to djathë mozzarella dhe djathë të grirë dhe i fusim në furrë.