Rexhep Mejdani deklaratë shtypi për vrasjen e Azem Hajdarit (13 Shtator 1998)
Presidenti i Republikes Rexhep Mejdani në një deklaratë shtypi për vrasjen e Azem Hajdarit ngushëllon familjen e tij dhe në tone të ashpra dënon aktin kriminal duke premtuar për drejtësi si dhe u bën thirrje qytetarëve të ruajnë qetësinë e tyre. Në fjalimin e tij ai tha :
“Të dashur atdhetarë, po ju flas sot si presidenti juaj. Ngjarje të rënda na kanë ndodhur shumë në këto kohë. Një ngjarje e rëndë është dhe vrasja e një deputeti, një politikani i Opozitës, një prindi e bashkëshorti, pjesëtar i familjes sonë shqiptare, Azem Hajdari. Jam i bindur se të gjithë jemi të pikëlluar dhe dënojmë vrasësin. Unë u kam kërkuar organeve kompetente për kapjen dhe identifikimin e autorëve. Ju kërkoj shqiptarëve të ulin armët dhe të ndalohet dhuna duke lejuar organet e shtetit dhe të drejtësisë të vendosin në bazë të ligjit.”
Pamje të Presidentit Rexhep Mejdani në një konferencë shtypi nga zyra e tij./tvklan.al
Gazetar : Vladimir Lame