Kukës, aksident tragjik me 6 viktima e 5 të plagosur
Ky është furgoni i pasagjerëve që u aksidentua këtë mëngjes në rrugën Kukës Shishtavec. Bilanci është tragjik; 6 viktima e 5 të plagosur.Mjeti që udhëtonte në drejtim të Kukësit doli nga rruga në fshatin Topojan në orën 6.40 dhe përfundoi rreth100 metra poshtë.Tre prej të plagosurve u transportuan drejt Spitalit Ushtarak me ambulance ndërsa një djalë i ri mbërriti me helikopter. Një tjetër po kurohet në spitalin e Kukësit.Viktimat e aksidentit, janë FehimBiba, Zykri Shehu, Zaim Karanxha, Linda Çuni, e cila dyshohet se ishte shtatëzanë, Xhevahire Çuni dhe drejtusi i furgonit, 21-vjeçari Bashkim Çuni.Shkaqet e aksidentit janë ende të paqarta. Një grup ekspertësh të policisë rrugore, pasi analizuan provat e mbledhura në vendin e ngjarjes, arritën në konkluzionin se shkak për aksidentin nuk ka qene shpejtësia, ndërsa mjeti rezultonte këtë kryer kontrollin teknik. Dyshohet se mund të ketë qenë humbja e vëmendjes nga drejtuesi i mjetit. Prokurorët që po drejtojnë hetimet mbi këtë aksident tragjik, thonë se është heret për të arritur në një konkluzion përfundimtar. Vetëm pas 2 ditësh, me marrjen edhe të deklaratave të të mbijetuarve, pritet që prokuroria të dalë me një version zyrtar mbi shkaqet.