Aksidenti në Kukës, 3 të plagosurit në gjendje të rëndë
Tre nga të plagosurit e aksidentit të djeshëm në Kukës vijojnë të jenë në gjendje të rëndë në spitalin ushtarak në kryeqytet.Ndërkaq një grup ekspertësh nga Tirana kanë mbërritur në vendngjarje, për të zbardhur shkaqet e aksidentit tragjik.Ata do të zbërthejnë të gjitha pjesët metalike të sistemit të drejtimit, për të përcaktuar gjendjen teknike të automjetit.Nga hetimet e policisë ka rezultuar se Bashkim Çuni, shoferi që drejtonte furgonin, nuk zotëronte patentën e duhur për të transportuar pasagjerë.Sipas policisë, 21 vjeçari kishte një patentë të klasit B për drejtim personal të automjetit.