Figura të shquara që u ndanë nga jeta gjatë vitit 2013

13:44 25/12/2013

Nelson Mandela (Mvezo 18 korrik 1918-Johannesburg 5 dhjetor 2013). Njeriu i shquar i politikës së Afrikës së Jugut dhe lider i Kongresit Kombetar të Afrikës, president i Republikës së Afrikës së Jugut. Mandela luftoi gjatë gjithë jetës së tij për të drejtat e njerëzve me ngjyrë. I burgosur për më shumë se 25 vjet, në vitin 1993 mori çmimin Nobël për paqen.

Guilio Andreotti (Romë 14 janar 1919- 6 maj 2013). Një nga figurat më të shquara të politikës italiane. Andreotti u bë pjesë e parlamentit italian në moshën 26 vjeçare dhe ishte pjesë e tij deri në fund të jetës.

Margareth Thatcher (Grantham, 13 tetor 1925- Londër, 8 prill 2013): Politikane britanike, kryeministre në detyrë nga viti 1979 deri më 1990. Thatcher është e para femër kryeministre e Britanisë. E njohur ndryshe si “Zonja e hekurt” për shkak të vendosmërisë së saj të fortë.

Venezuela's President Hugo Chavez salutes his followers

Hugo Chavez (Sabaneta, 28 korrik 1954-Caracas, 5 mars 2013): Ushtarak dhe politikan i Venezuelës. President në detyrë nga vitit 1999 deri ditën e vdekjes.

File photograph shows British novelist Doris Lessing smiling as she poses with her Nobel Prize for Literature at the Wallace Collection in London

Shkrimtarja britanike Doris Lessing (Kermanshah, 22 tetor 1919- Londër, 17 nëntor 2013). Në vitin 2007 morri çmimin Nobël në letërsi. “The Golden Notebook” është një ndër veprat e saj më të njohura.

Lou Reed (New York, 2 mars 1942-Long Island 27 tetor 2013). Një ndër ikonat e muzikës rock, kantautor dhe poet amerikan. Përpara se të niste karrierën e tij si solist, Reed ka qenë themeluesi i grupit Velvet Underground.

David Frost (Tenterden, 7 prill 1939-MS Queen Elizabeth, 31 gusht 2013): Gazetar britanik, i njohur ndryshe si “intervistuesi i Watergate”. Përpara tij, presidenti i SHBA-ve Richard Nixon, pranoi për herë të parë keqardhjen e atij skandali.

Shkrimtari amerikan Tom Clancy (Baltimora, 12 prill 1947- 1 tetor 2013). Është konsideruar si mjeshtri i tekno-triller-it, nga ku frymëzohen shumë regjizorë të filmave aksion.

SANREMO: 58° FESTIVAL DELLA CANZONE ITALIANA - SECONDA SERATA

Little Tony (Tivoli, 9 shkurt 1942- Romë 27 maj 2013). Një nga simbolet e muzikës italiane të viteve 60’. Disa nga këngët e tij më të suksesshme janë, “Cuore Matto”, “Ridera” dhe “Con 24mila baci”, kjo e fundit u bë e suksesshme edhe falë Adriano Celentanos.

Morto a Roma l'attore James Gandolfini, boss dei "Soprano's"

James Gandolfini (Westwood, 18 shtator 1961- Romë, 19 korrik 2013): Aktor dhe producent kinematografik, i njohur mbi të gjitha për serialin televiziv “Sopranot”.

Ray Manzarek (Chicago, 12 shkurt 1939-Rosenheim, 20 maj 2013), pianist amerikan, pjesë e grupit The Doors të Jim Morrison.