Google nxjerr ne treg supercelularin
2010 do të quhet padyshim viti i teknologjisë së lartë. Ndërsa kompania Apple vazhdon të gëzojë shitje të mëdha të telefonave të gjeneratës së re, me ekran të sheshtë e sensitivë ndaj prekjes, gjigandi Google synon të eliminojë konkurencën me një produkt të ri, një super celular i quajtur Nexus One që operon nëpërmjet programit Android.
Aparati ka një ekran 3.7 polsh dhe thyen të gjitha limitet e një celulari të mirë. Ai peshon 130 gramë dhe është i hollë 11.3 milimetra. Nexus one është një rivale e denjë e iPhone të Apple dhe BlackBerry-t. Ai është i pajisur me një kamera prej 5 megapixel dhe ofron një sërë aplikimesh në internet e deri tek navigimi në Google Earth.
Përdoruesit do të kenë mundësi të shkruajnë mesazhe pa shtypur në ekran mjafton të shtypësh butonin e mikrofonit dhe të flasësh e fjalët shkruhen vetë.
Në ndryshim nga iPhone, G phone do të jetë funksional edhe nëse konsumatori nuk nënshkruan kontratë me ndonjë operator të përcaktuar. Sidoqoftë nëse e blen direkt nga Google me kartë krediti Nexus kushton 529 dollarë, ndërsa në SHBA ofrohet më lirë nëse e blen në operatorin T mobile.
Tv Klan