Arrestohen 5 policë rrugorë
Akuzohen për korrupsion dhe shpërdorim detyre
Shërbimi për Çështje të Brendshme dhe Ankesat në bashkëpunim me Prokurorinë e Tiranës ka ekzekutuar vendimet e Gjykatës së kryeqytetit për 5 punonjës policie dhe 1 shtetas të arrestuar për korrupsion.
Ata akuzohen për shpërdorim detyre dhe korrupsion pasiv të personave që ushtrojnë funksione publike. Njëri nga policët është lënë në arrest me burg, dy në arrest shtëpie ndërsa 2 të tjerët janë pezulluar nga detyra.
Detyrim paraqitje është dhënë edhe për një 35-vjeçar nga Tirana.
Tv Klan