Inaugurohet zgjerimi i pikës kufitare të Vermicës
Investimi synon lehtësimin në qarkullim
Është përuruar zgjerimi dhe rehabilitimi i hyrjes së pikës kufitare Kosovë – Shqipëri, në Vërmicë.
Me qëllim të lehtësimit të qarkullimit të qytetarëve dhe mallrave, janë shtuar shiritë rrugorë në kufirin Kosovë Shqipëri. Ky investim është bërë me procedurë të përshpejtuar në mënyrë që të nisë zbatimi i marrëveshjes për lehtësira të qarkullimit të mallrave dhe transportuesve tjerë të mëdhenj.
Ndërsa sipas policisë në këtë pikë kufitare nuk ka pritje të qytetarëve që udhëtojnë nga Kosova në Shqipëri dhe anasjelltas.
Derisa të nisë zbatimi i të gjitha marrëveshjeve Kosovë-Shqipëri nuk do të ketë mbledhje të tjera të përbashkëta për tu arritur marrëveshje të reja, por vetëm takime në kuadër të funksionalizimit të marrëveshjeve aktuale.
Tv Klan