Edicioni i lajmeve 18 Janar 2010, ora 19:30
Titujt kryesorë 18 Janar 2010, ora 19:30
Berisha: Shkodra, projekte për të shmangur përmbytjet
Kryeministri Berisha tha sot në seancën e jashtëzakonshme plenare se qeveria ka projekte per te shmangur permbytjet ne kete zone. Sipas tij, kjo fatkeqësi natyrore u përballua me operacionin më të suksesshëm të historisë së vendit, pa asnjë humbje njerëzore.
Harasani: Rama s’mund të na përjashtojë nga partia
Andis Harasani deklaron se Edi Rama nuk do të mund t’i përjashtojë nga partia deputetët që do të thyejnë bojkotin. Sipas tij, idenë e thyerjes së bojkotit e mbështesin edhe deputetë te tjere të kësaj force politike.
Shkodër, nis dizinfektimi i zonës së çliruar nga uji
Në zonat e çliruara nga uji në Shkodër ka nisur procesi i dizinfektimit. 1800 banorë presin të kthehen në shtëpitë e tyre. Nis edhe procesi mësimor në 15 shkolla të prekura nga përmbytjet.
Ulja e avionit të Albanian Arilines në Bratisllavë, nisin hetimet
Drejtoria e Përgjithshme e Aviacionit Civil ka nisur hetimet për uljen e beftë në Bratisllavë të avionit të kompanisë Albanian Arlines, që kishte 110 pasagjerë në bord, me destinacion Bolonjën e Italisë.
Haiti ende në kaos, shpallet gjendja e jashtëzakonshme
Në ditën e gjashte pas tërmetit, Haiti gjendet në kaos. Të mbijetuarit janë në mëshirë të fatit, pasi ndihmat po shperndahen me ngadalësi. Qeveria shpall gjendjen e jashtëzakonshme.
“Globi i Artë” për Avatar, ceremonia ekskluzivisht në Tv Klan
Avatar ka fituar “Globin e Artë” në ceremoninë e shpërndarjes së çmimeve prestigjoze për kinematografinë në Los Anxhelos. Kjo ceremoni do të transmetohet ekskluzivisht të enjten në Tv Klan.
Edicioni i lajmeve Tv Klan – 18 Janar 2010, ora 19:30 – Spikere: Sonila Meço