• Shpërndaje

Titujt kryesorë 18 Shkurt 2010, ora 19:30

Presidenti i Asamblesë së OSBE: Opozita të hyjë menjëherë në Kuvend

Presidenti i Asamblesë Parlamentare të OSBE i bëri thirrje deputetëve të PS që të hyjnë menjëherë në Kuvend që të mos djegin mandatet. Zoti Soarez tha gjithashtu se Komisioni Hetimor për zgjedhjet nuk duhet të dalë mbi vendimet e gjykatave dhe Kushtetutën e vendit.

Amerikanët në OSBE: Fund bojkotit. Vendimet e gjykatave, mbi gjithçka

Nderkohë, përfaqësuesit e SHBA në OSBE, të cilët kanë vëzhguar nga afër zgjedhjet e 28 Qershorit në Shqipëri, deklaruan në Vjenë se vendimi i gjykatës mbi ankesën që ka pasur opozita për këto votime, qëndron mbi gjithçka.

Berisha në “Opinion”: Ja qëndrimi mbi bisedimet me PS

Kryeministri Berisha flet sonte në emisionin “Opinion”, të gazetarit Blendi Fevziu, mbi situatën politike në vend dhe qëndrimin e mazhorancës me bisedimet me Partinë Socialiste.

Athinë, rrëmbehet në maternitet foshnja shqiptare, kapet autorja

Vajza e një çifti shqiptar, e lindur një ditë më parë, u rrëmbye gjate natës në një maternitet të Athinës. Policia e gjen brenda një kohe të shkurtër dhe arreston rrëmbyesen, një grua greke.

Tekstet shkollore, më të lirë dhe jo më nëpër librari

Viti i ri shkollor do të sjellë ndryshime në përmbajtjen dhe çmimin e teksteve mësimore. Ndërsa për të evituar radhët nëpër librari, ato do të shpërndahen nëpër shkolla.

Piratët e internetit, rekord sulmesh nga Europa Lindore

Në Virxhinia të Shteteve të Bashkuara është zbuluar sulmi më i madh piraterik i ndodhur ndonjëherë ne internet, që ka prekur 75 mijë kompjutera në 2500 kompani. Piratët janë nga Europa Lindore.

Edicioni i lajmeve Tv Klan  – 18 Shkurt 2010, ora 19:30 – Spikere: Sonila Meço