• Shpërndaje

“Te stadiumi i ri tifozët do t’i kemi më pranë”

E hëna nisi zyrtarisht grumbullimin e Kombëtares për ndeshjet me Andorrën dhe Francën.

Në grup ka shumë të rinj që pritet të jenë baza e ekipit në të ardhmen.

Si trajneri Edy Reja, Emanuele Ndoji dhe Myrto Uzuni duan që të kenë mendjen në radhë të parë te ndeshja e së enjtes me Andorrën.  

Emanuele Ndoj: “Fillimisht jemi të përqëndruar tek Andorra dhe pastaj do mendojmë për Francën”.

Myrto Uzuni: “Asnjë ndeshje nuk duhet nënvlerësuar, pasi çdo ekip të sjell probleme, por ne do të hyjmë në fushë për fitore”.

Të dy shpresojnë që atmosfera e stadiumit të ri të reflektohet në fushë në sfidën përmbyllëse të kualifikueseve të Euro 2020 me Francën.

Ndoj: “Është pozitive që të jenë njerëzit afër dhe do të na karikojnë”.

Uzuni: “Është pozitive, pasi do të luajmë në shtëpinë tonë të re dhe tifozëria do të na mbështesë”.

Shqipërisë tani i mbetet të synojë vendin e tretë në grup, pasi kualifikimi në fazën finale të Europianit nuk është i mundur.

Tv Klan