Futboll në Burgun 325 – (2 Shkurt 2000)
Arkiva Lajme – Tv Klan 2000
Duke harruar për disa momente veten që ndodhen pas dyerve të hekurta dhe të kyçura të burgut 325, sot të burgosurit meshkuj kanë luajtur një ndeshje futbolli në këtë ambjent. Kundërshtarët e tyre kanë qenë të dënuarit e burgut te Vaqarrit. Administrata e Përgjithshme e Burgjeve ka kohë që ka mundësuar realizimin e disa aktiviteteve dhe në projektin e këtyre aktiviteteve bën pjesë edhe ky mini kampionat futbolli.
“Jemi munduar të krijojmë një atmosferë shplodhëse”, është shprehur drejtori i burgut 325. Në këtë burg që është burg i sigurisë së ulët, vetë të dënuarit kanë krijuar një skuadër futbolli. Një atmosferë e këndshme është krijuar në ambjentin e improvizuar të stadiumit të vogël të këtij burgu, duke ngritur lartë moralin e vetë banuesve të këtij ambjenti./tvklan.al
Gazetare – Holta Zhiti