Shemben ndërtesat e dëmtuara nga tërmeti në Thumanë
Në Thumanë, aty ku 22 persona gjetën vdekjen, kërkimet për të mbijetuar janë ndërprerë, pasi nën rrënoja nuk ka më njerëz.
Ajo që mbetet pas tashmë janë rrënojat e ndërtesave të shembura. Ato ndërtesa, një pjesë e të cilave mbetën në këmbë, këtë të enjte u shembën nga autoritetet.
Tvklan.al sjell pamjet kur ekskavatori prish pjesët e mbetura të një prej pallateve të dëmtuara, aty ku u shuan jetë njerëzish.
Tërmeti i 26 Nëntorit i mori jetën dhjetëra personave, ndërsa me qindra mbetën të plagosur. Dëmet materiale janë të shumta, sidomos në zonat më të prekura si Thumana e Durrësi./tvklan.al