Uniforma në shkollën e mesme “Çajupi” – (1 Mars 2000)
Arkiva Lajme – Tv Klan 2000
Pas 10 vjetësh rikthehet uniforma në shkollë. Kjo nismë tani për tani e vetme ekziston në një shkollë të qytetit. E mesmja e përgjithshme “Çajupi” pas rikonstruktimit dhe rregullimit ambjentor arrinë të vendos uniformën veçuese të nxënësve të kësaj shkolle. 750 nxënës që kryejn 4 vite gjimnaz këtu arrijnë të marrin gjithçka. Përveç dijeve ata kanë mundësi të ushqehen e argëtohen. Një mini lokal brenda këtij ambjenti madje edhe disko. Veshje e stiluar nga vetë nxënësit, të cilët shprehen të kënaqur për uniformën.
Zëvendës drejtoresha Fatbardha Jaçellari tregon mbi inisiatvën shkollore.
Fatbardha Jaçellari:- “Nuk qe shumë e lehtë për arsye se ishte edhe mentaliteti i vetë fëmijëve për të veshur një uniform në shkollë dhe u desh që të bëhej një punë bindëse, që vetë nxënësit ta merrin përsipër një gjë të tillë. Puna jonë është që kjo uniform të mirëmbahet”.
Ajo që në fillim duket absurd dhe e parealizueshme tashmë flet për një të ardhme, shtrirje në të gjitha shkollat./tvklan.al
Gazetare – Holta Zhiti