Tornado shkatërruese godet Anglinë
Një tornado ka goditur qytetin Surrey të Chertsey në Britani të Madhe, duke lënë pas shkatërrim.
Banorët kanë publikuar në rrjetet sociale video dhe foto të dëmeve që ka shkaktuar kjo tornado. Çatitë e shtëpive janë dëmtuar, ndërsa janë rrëzuar pemë e shtylla.
Në disa rrugë ka pasur vështirësi në qarkullim, për shkak të mbetjeve që ka lënë pas tornado. Për momentin nuk ka raportime për viktima apo për të lënduar, por vetëm për dëme materiale.
Autoritetet britanike u kanë bërë thirrje banorëve të zonave të prekura nga tornado, që të shmangin qarkullimin në rrugët problematike, deri në pastrimin e tyre. /tvklan.al