Plumba drejt dëshmitares në sallën e gjyqit
Një burrë humbi jetën, ndërsa një grua mori plagë të rënda pas të shtënave me armë zjarri brenda një gjykate. Ngjarja ndodhi në veriperëndim të Siberisë, në qytetin Novokuznetsk. Autori i dyshuar u ndalua nga autoritetet.
Prokuroria ka nisur një hetim mbi vrasjen. Ngjarja ndodhi mëngjesin e së enjtes. Një oficer policie që shërbente në gjykatë u plagos me një plumb në stomak, por për shkak të plagës së rëndë humbi jetën rrugës për në spital. Ndërkohë e lënduara ishte duke dëshmuar në gjykatë. Ajo ka marrë plagë të rënda në këmbë dhe fytyrë.
Identiteti i autorit mbetet ende i paqartë. Sipas Russia Today ka raportime se ai ishte një i pandehur, i cili ishte larguar nga salla e gjyqit. Pasi kishte shkuar te makina kishte marrë armën.
Kur ishte kthyer në ndërtesë, i pari që ishte munduar ta ndalonte ishte oficeri i policisë, por e qëlloi atë. Pas kësaj ai u fut në sallën e gjyqit dhe qëlloi dëshmitaren. Ndërkohë një agjenci tjetër lajmesh, Interfax, raporton se autori ishte viktimë e një çështjeje kriminale./tvklan.al