Hajdutët e çantave – 9 Shkurt 1999)
Arkiva Lajme – Tv Klan 1999
Një mënyrë tjetër vjedhjeje ka nisur të praktikohet nga hajdutët shqiptar, shipizmi ose rrëmbimi i çantave nga krahu. Kohët e fundit vjedhjet e makinave, dyqaneve, shtëpive apo mashtrimet për të përfituar të holla kanë vënë gjithnjë e më shumë në lëvizje policinë kryeqytetase.
Por tashmë një mënyrë tjetër grabitje ka lindur. Të rinj të hipur mbi motoçikleta por dhe kembësor në trotuar mund të shndërrohen në çdo moment në grabitës çantash. Rasti më i fundit është arrestimi nga policia kryeqytetase i dy të rinjve 16 vjeçarëve që i kishin rrëmbyer çantën shtetases Teuta Çelmeta.
Nga puna e bërë nga Komisariati nr.3 u bë e mundur identifikimi i dy të rinjve dhe sekuestrimi i çantës ku ndodheshin ende sendet e saj. Policia e Tiranës këshillon qytetarët dhe veçanërisht femrat të jenë më të kujdesshëm nga shipistët./tvklan.al
Gazetar – Eduart Frangaj