Inter fiton sërish derbin
Milan mundet 4 – 2 me përmbysje
Inter është sërish fitues i derbit të Madoninës. Zikaltërit triumfuan me rezultatin 4 – 2 me përmbysje në takimin me Milan i luajtur mbrëmjen e së dielës. Një sfidë e luftuar nga fillimi në fund. Në pjesën e parë festa ishte e Milanit.
Në minutat e fundit, Rebic dhe Ibrahimovic realizuan për kuqezinjtë. Pas pushimit, lojtarët e Inter u treguan më konkretë. Zikaltërve iu deshën pak minuta për të barazuar rezultatin.
Brozovic dhe Vecino u treguan të saktë, duke kaluar Donnarumma. Këmbëngulja e futbollistëve të Inter nuk u ndal. De Vrij kaloi në avantazh skuadrën e tij në të 73’.
Në kohën shtesë ishte radha e Lukaku të shënonte golin që vulosi suksesin. Inter me këtë sukses ngjitet në vendin e parë me 53 pikë, po aq sa Juventus.
Tv Klan