• Shpërndaje

Sali Berisha: Populli shqiptar po kërkon zgjedhje të reja. Edhe ju e patë. Unë jam i detyruar dhe PD-ja është e detyruar të zbatojë verdiktin e popullit. Shqiptarët janë për zgjedhje. Zgjedhjet e reja janë ai proces që do t’a rikthejë ,do t’a nxjerrë Shqipërinë nga kriza.

Kjo ka qënë kërkesa e përsëritur e liderit demokrat Berisha gjatë gjithë kësaj jave. Menjëherë ka reaguar kryeparlamentari Gjinushi duke ofruar zgjedhje lokale.

Skënder Gjinushi: Dëshira e Berishës do realizohet. Ne tashmë jemi në prag të zhvilimit të zgjedhjeve lokale, qoftë edhe të parakohëshme.

Demokratët janë të pakënaqur me zgjedhjet lokale duke këmbëngulur në mbajtjen e zgjedhjeve të parakohëshme parlamentare. Edhe pse plot me probleme brenda partisë, socialistët ndihen të sigurtë për t’u ndeshur me demokratët.

Gramoz Ruçi: Duhet të dini ti dhe Berisha që Berisha që nga ’91 e deri më sot nuk ka fituar asnjëherë zgjedhje.

I gatshëm për t’u ndeshur me Berishën madje edhe në zgjedhje parlamentare është ish Kryeministri socialist Bashkim Fino.

Bashkim Fino: Zgjedhje të përgjithshme, kur i do Berisha?

Gazetari: Ate e di ai.

Bashkim Fino: Dakort jemi ne në çdo kohë.

Gazetari: Do ja plotësojmë dëshirën shqiptarëve.

Bashkim Fino: Dhe unë do ja plotësoj dëshirën Berishës në çdo kohë përballem me të dhe në çdo kohë fitoj./tvklan.al

Gazetar : Vladimir Lame