Bukuritë e Alpeve, në një album
Alket Islami boton librin me foto nga ajri
280 shkrepje nga ajri, mbi Alpet shqiptare janë përfshirë në një album të vetëm të botuar nga Alket Islami.
Alketi tregon se ky është vetëm projekti i parë që na prezanton me bukuritë e Alpeve tona.
“Që në shkrepjen e parë mendova që nuk duhet të shkojë kot. Ky është projekti i parë, do të ketë një tjetër me Alpet perëndimore”.
Kryebashkiaku i Tiranës Erion Veliaj, i pranishëm në promovimin e këtij albumi, e konsideroi një promovim të rëndësishëm për Shqipërinë.
Albumi “Albanian Alps from the air” ka për qëllim promovimin e bukurive shqiptare jo vetëm për vendasit por edhe për turistët e huaj. Autori e ka shoqëruar këtë botim edhe me nëntitullin “Ejani në Alpet tona, ejani në mit…”.
Tv Klan