Nënstacioni elektrik i Shkozetit drejt përmbytjes (23 Mars 1999)
Nënstacioni elektrik i qytetit të Durrësit në Shkozet është i kërcënuar nga përmbytja. Shirat e ditëve të fundit kanë rrethuar atë duke kërcënuar seriozisht rrjetin dhe pajisjet e tij. Përreth mjedisit të këtij nënstacioni gjenden rreth 100 shtëpi të ndërtuara jashtë kritereve teknikë dhe urbanistike.
Shumica e tyre gjenden jashtë linjave të tensionit të lartë dhe prej kësaj nuk kanë munguar as aksidentet. Kjo përmbytje favorizohet nga bllokimi i kanalizimeve. Kësaj gjendje duhet t’i shtosh edhe faktin që pothuajse krejt rrugët që të çojnë në këtë nënstacion janë të bllokuara dhe për rrjedhojë nuk mund të bëhet as hyrja e as dalja e aparaturave, bën të ditur për Televizionin Klan,përgjegjësi i këtij nënstacioni Shpëtim Hako.
I ndërtuar që nga viti 1955, ky nënstacion nuk mund të zhvendoset prej Shkozetit. Ndërkohë që po kaq e pamundur është dhe të shpëtohet ai nga përmbytjet dhe pakujdesia administrative dhe njerëzore./tvklan.al