Kosovarët në Librazhd – (2 Prill 1999)
Arkiva Lajme – Tv Klan 1999
Dje dhe sot në rrethin e Librazhdit ka vazhduar mbrritja e të ardhurve nga Kosova. Janë rreth 550 vetë të vendosur në këtë qytet, ndërkohë që pritja e tyre së pari ka angazhuar dhjetra qytetarë përkrahës të strukturave lokale dhe shoqatave humanitare.
Paralelisht me sistemimin e të ardhurve po realizohet edhe rregjistrimi i tyre. Pjesa dërrmuese e të ardhurve në këto momente janë sistemuar nëpër familjet librazhdase. Ndërkohë që një pjesë tjetër janë sistemuar pranë qendrës biblike të rrethit.
Në këtë rreth janë vendosur kryesisht të ardhur nga komunat e Hasit dhe Prizërenit. Sipas drejtuesve të prefekturës dhe bashkisë deri tani nuk ka pasur probleme për mungesa ushqimesh dhe material të tjera të nevojshme./tvklan.al
Gazetar – Aleksandër Çipa