• Shpërndaje

Arkiva Lajme – Tv Klan 1999

Është ky kampi i kosovarëve të ardhur në Kavajë. Në këto çadrat e ngritura nga forcat italiane të Protecionit Civile janë sistemuar mbi 5 mijë të ardhur nga Kosova ndërkohë që pritet të vijnë dhe të tjerë. Fusha e Malit të Robit e cila dikur mbushej vetëm nga plazhistët tani është mbushur me çadra.

Shiu që ka filluar në mesditë ka vështirësuar jetën e këtyre njerëzve shumica e të cilëve janë gra e fëmijë. Megjithëse kanë ku të fusin kokën ende gjërat e tjera të një jetese normale mungojnë. Po e njëjta pamje shfaqet dhe në kampin e Rrashbullit, ku janë sistemuar 1600 kosovarë në të cilën janë ngritur 180 çadra dhe për dy tre ditë pritet që të instalohen dushet dhe banjat.

Në përfundimin e plotë të kampit të Rashbullit sipas autoriteteve italiane të kampit, do të jenë ngritur rreth 250 tenda ku do të sistemohen deri në 2200 kosovarë./tvklan.al

Gazetare – Mirela Milori