Lajme nga sporti, futboll (15 Prill 1999)
Ndonëse po afrohet takimi me Letoninë i caktuar tashmë nga UEFA të luhet me 28 Prill në Riga, problemi i udhëtimit të futbollistëve ka tronditur sërish mjedisin sportiv. Ndërsa për skuadrën përfaqësuese është konfirmuar zyrtarisht se ajo do të grumbullohet me 23 Prill në Hamburg të Gjermanisë, një grumbullim ky i organizuar përsëri nga dashamirësia e kosovarit Xhelil Musai mbetet problem udhëtimi i trajnerit shqiptar dhe i stafit të tij, pasi futbollistët që Hafizi ka menduar të grumbullohen luajnë jashtë Shqipërisë. Deri tani largimi për në Hamburg ose në Riga është menduar të realizohet nga Aeroportet e vendeve fqinj pasi në të kundërtën udhëtimi nga Rinasi rrezikon e nuk ka garanci drejt Letonisë./tvklan.al