Sport kombëtarja, Shqipëri – Letoni – (27 Prill 1999)
Arkiva Lajme – Tv Klan 1999
Takimi Shqipëri – Letoni është caktuar nga UEFA të luhet në Riga. Me Letoninë bilanci në tre takimet e zhvilluara deri tani është dy barazime dhe një humbje. Letonëzët në këtë edicion kanë grumbulluar 7 pikë. Pas fitoreve në Oslo me Norvegjinë, në Riga me Gjerorgjinë dhe barazimit 1-1 në Athinë me Greqinë.
Skuadra e Hafizit në tre ndeshje e luajtura deri tani ka 2 pikë, pas dy barazimeve të rregjistruara në Norvegji dhe në Tiranë me Greqinë. Por si paraqitet gjendja e skuadrës shqiptare në prag të këtij takimi? Në një bisedë telefonike me Hafizin mendohet të mos ketë ndryshime në formacionin bazë. Gjithçka është normalizuar dhe Vata e Tare sipas Hafizit do të jenë në fushë.
Ndërkohë po sot në orët e para të mëngjesit për në Riga është nisur edhe skuadra kombëtare e U-21. Të gjithë lojtarët, stafi i saj janë detyruar të udhëtojnë drejt Hamburgut për tu bashkuar edhe me skuadrën kombëtare. Më pas të gjithë të bashkuar i janë drejtuar qytetit Letonez. Takimi i skuadrave shpresa U-21, Letoni-Shqipëri do të zhvillohet po nesër, por në mesditë në orën 15./tvklan.al