Itali, klandestinët kosovarë – (27 Prill 1999)
Arkiva Lajme – Tv Klan 1999
Brigjet italiane mbeten synimi i të ikurve nga lufta në Kosovë. 1500 klandestinë kanë zbarkuar në Pulia natën e mbrëmshme. Shumica kosovarë por ka mes tyre edhe shqiptarë. Auoritetet e Pulias, policia italiane në bashkëpunim me Guardia di Finanzan po përpiqen të parandalojnë fluksin i cili sa vjen dhe rritet.
Sipas policisë italiane në gomonet e kapura janë gjetur dhe 30 kg hashash. Por s’janë vetëm skafet shqiptare dhe brigjet e Vlorës të cilat shërbejnë si trampolinë për të ikurit nga lufta.
Gomone dhe barka të vogla me klandestinë janë nisur dhe nga brigjet e Malit të Zi. Pikat bregdetare italiane kanë marrë masa për të ndaluar dyndjen e gomoneve me të ikurit nga lufta. Shumica e të cilave janë gra dhe fëmijë./tvklan.al
Gazetare – Mirela Milori