Boshnjakja mes kosovarëve (30 Prill 1999)
Në Pallatin e Sportit përveç të ardhurve nga Kosova, ndodhet dhe një vajzë boshnjake që jeton në komunën e Rozhajës kufi me Kosovën dhe Malin e Zi. Vendi i saj është i banuar kryesisht nga myslimanë dhe shtëpia e saj prej shumë muajsh ka shërbyer si bazë e luftëtarëve të UÇK-së.
Kjo vajzë invalide ka strehuar prej 8 muajsh një familje nga Rugova. Ajo nuk di shqip por ka ndihmuar mjaft shqiptarë dhe i kupton mirë ata. Çdo ditë të premte në shtëpinë e saj vinin 5 ushtarë që furnizoheshin me ushqime për t’i çuar në Kosovë tek luftëtarët kosovarë. Madje përveç ushqimeve ato janë furnizuar dhe me armë.
Por strehimi i famiëjes dhe ushqyerja e ushtarëve nuk ka zgjatur shumë pasi kjo shtëpi u piketua si bazë lufte ndaj dhe 28 vjeçarja invalide me familjen e strehuar është drejtuar për në Shqipëri. Shtëpia e saj mund të jetë shkatërruar e ashtu dhe baza ushtarake e saj./tvklan.al
Gazetare: Holta Zhiti