Festa e Abetares – (28 Prill 1999)
Arkiva Lajme – Tv Klan 1999
Fundi i muajit Prill shënon për klasat e para edhe përfundimin e Abetares. Shkolla “Jeronim De Rada” feston sot mbarimin e librit të parë që këta nxënës kanë shfletuar për muaj të tërë. Kjo është një datë e shënuar për fëmijët, një festë e cila nuk përsëritet më.
Pas lojrave të kopshtit Abetarja është përballja ë parë me një libër shkollor, e cila u mëson edhe leximin. Prindër, mësues edhe ata më të vegjëlit që kanë arritur të lexojnë gjuhën e tyre festojnë frytet e deritanishme përpara se të nisin një libër tjetër shkollor.
Poezi dhe këngë jo vetëm për këtë ditë të shënuar por edhe vjersha për shokët e tyre kosovarë, që kjo festë i gjen të larguar nga bankat e shkollës dhe shtepitë e tyre të djegura. Brenda kësaj feste vjen dhe urimi për një Kosovë të lirë. /tvklan.al
Gazetare – Holta Zhiti