Lajme nga sport vendi, atletike, Kupa (17 Maj 1999)
Federata Shqiptare e Atletikes organizoi në Stadiumin “Ruzhdi Bizhuta” të Elbasanit një aktivitet lidhur me trofeun e vënë prej saj. Merrnin pjesë ekipet e Studentit, Partizanit, Vllaznisë, Tiranës si dhe Mjeshtria Sportive e Durrësit. U konkurua në 100, 200, 400, 800 metër për meshkuj e femra, hedhje gjyle e kërcim së gjati.
Në vend të parë në 110 metra me pengesa doli Elton Duka i Partizanit. Në garën e 10 mijë metrave Kadri Uka i Besëlidhjes. Në garën e kërcimit së gjati Atmir Bregu i Vllaznisë. Kupën për meshkuj e fitoi Studenti, në vend të dytë u rendit Partizani dhe në vendin e tretë Vllaznia. Për femra kupën e fitoi Tirana, në vend të dytë Mjeshtria Sportive e Durrësit dhe në vend të tretë Partizani./tvklan.al