Kampionati Kombëtar në Basketboll – (23 Maj 1999)
Arkiva Lajme – Tv Klan 1999
Ka përfunduar faza e parë finale e Play Off-it të Kampionatit Kombëtar në Basketboll për djem e vajza. Turneu është zhvilluar në dy qytete, Tiranë e Durrës. Në raundin gjysmë final të turneut për djem katër ishin që duhet të luanin tre takimet eliminatore. Vllaznia, Tirana, Dinamo dhe Studenti. Ndërsa për vajza katër skuadrat finaliste ishin, Tirana, Elbasani, Skënderbeu dhe Flamurtari.
E veçanta e këtij turneu në veçanti atij për djem ishte braktisja që i bëri Vllaznia takimit gjysmë final me Studentin. Me pretendimin se Federata Shqiptare e Basketbollit nuk ka respektuar formulën vajtje-ardhje të zhvillimit të play off-it. Shkodranët kanë refuzuar që të udhëtojnë për në Durrës, duke bojkotuar takimet me Studentin.
Me rivalitet janë zhvilluar takimet Tirana-Dinamo. Me shifrat finale 2-0, Tirana ka siguruar finalen. Kështu në “Farie Hoti” të kryeqytetit do të luhet takimi i play off-it final Tirana-Studenti.
Për vajza fitoret e Tiranës dhe të Skënderbeut ndaj Elbasanit dhe Flamurtarit nuk kanë qenë të vështira. Në Durrës në Pallatin e Sportit “Ramazan Jala”, Tirana – Skënderbeu do të luajn takimin e parë të play off-it final./tvklan.al