Librazhd, koncerti i kosovarëve – (23 Maj 1999)
Arkiva Lajme – Tv Klan 1999
Krijuesit dhe artistët kosovarë në një concert të përbashkët në Librazhd. Për dy ditë me radhë qendra kuturore në Librazhd mblodhi artistë, krijues dhe shikues nga Kosova që gjenden në këtë qytet. Ishte pikërisht kjo e veçanta e një veprimtarie të tillë homazh kushtuar Kosovës.
Ka qenë kjo idea e kompozitorit Naim Gjoshi, i cili pas koncertit me këngëtarin kosovar Ilir Shaqiri ku ishin të ftuar artistët Kadri Roshi, Margarita Xhepa dhe Reshat Arbana, organizoi këtë koncert të titulluar “Bashkohen Drinat në një Drin”.
Pjesa më e madhe e repertorit i përkiste këngëtarëve dhe recituesve të ardhur nga Kosova. Të ardhurat e këtij koncerti do të kalojnë në ndihmë të refugjatëve kosovarë të ardhur nga Kosova në Librazhd./tvklan.al
Gazetar – Eduart Frangaj