Humb jetën peshkatari 53-vjeçar, shpëton shoku i tij
Kishin dalë në det me një pedalon që u përmbys
Një peshkatar 53-vjeçar dyshohet se ka humbur jetën mesditën e sotme në bregdetin e Durrësit. Ardian Mërkuri kishte dalë në det së bashku me mikun e tij, 48-vjeçarin Ilir Bardheti me një pedalon, i cili është përmbysur për shkak të dallgëve.
Pas ndërhyrjes së familiarëve dhe forcave të policisë është bërë e mundur nxjerrja e 48-vjeçarit Bardheti ndërsa vijojnë kërkimet për peshkatarin tjetër. Në vendin e ngjarjes kanë shkuar edhe polumbarët e RENEA-s për të bërë të mundur gjetjen e tij.
Tv Klan