Kukësi në kërkim të trajnerit
Negociata me Skënder Gegën dhe Bledi Shkëmbin
Pas njoftimit të prezantimit të trajnerit të ri pasditen e kësaj të diele, klubi i Kukësit ndryshon mendim. Tekniku do të zyrtarizohet një tjetër ditë. Në media u aludua për ish-trajnerin e Partizanit, Skënder Gega.
Tek krerët më të lartë të klubit, bindja e arritjes së një marrëveshjeje me Skënder Gegën ishte aq e fortë sa nga zyrat e klubit verior rrodhi lajmi se pasuesi i Shpëtim Duros do të ishte Skënder Gega. Ka të ngjarë që negociatat me Gegën të kenë qenë më të vështira nga çmendonin drejtuesit e klubit kuksian.
Duke qenë se parashikohet që bisedimet të zgjasin. Është menduar një zgjidhje e përkohshme. Rrahman Hallaci, ish-futbollist i kësaj skuadre, ish-kampionët dhe ish-zv/trajner do të jetë në drejtim derisa të zyrtarizohet tekniku i ri.
Ndeshja e parë e Hallacit në pankinë si trajner i komanduar do të jetë ajo kundër Vllaznisë. Do të jetë një provë e fortë kjo për ish-mbrojtësin. Më së shumti Hallaci do të ketë një sfidë më veten. Pas eksperiencës si zëvendësi i Peter Pacult, 36-vjeçari drejtoi 19-vjeçarët e Internacionalit.
Veç Skënder Gegës mendohet se kandidat tjetër për stolin e Kukësit është edhe Bledi Shkëmbi, i shkarkuar pak kohë më parë nga Teuta.
Tv Klan